Mo la vie mo combat,mo galere

Posted: October 27, 2011 in Post

1 mesaz a ban dimun ki dans la galere,ki li cote finance,sentiment,handicap ou si c la solitude ki p ronze li,reflesi bien avant ou ecoute ban fausse messager,ban dimun ki fine truv 1 faiblesse dans ou et ki p servi li pu zot l’avantaz personel.La mizer li ena 1 gout amer mais pena zis sa ki ronze la vie dimun,ena aussi l’ignorance,mank de comprehension et la solitude,bien jeune mo fine fer 1 choix dans mo la vie,mo fine lance moi dans 1 combat contre tous sa la et li coute cher sa combat la.Mo pas 1 hypocrite ki baisse la tete dans biro ban chef ,pu marse dans ban system malsain et reste trankil pu protez mo bienetre,kan ou rentre dans 1 combat ou bizin fer li sincerement et ou bizin retrouve ou a cote ar ban dimun ki concerner par ban causes ki ou p defane et c pu sa raison la ki mo retrouve moi au bas de l’echelle sociale zordi avec meme pas Rs10 en poche.Tres peu de gens comprend ki mo la vie ete vraiment mais heureusement ki ena dimun ki cone moi et ki malgre ban jugements ena dimun ki soutenir moi.Ou pu remarquer ki mo pas coz lor moi tres souvent meme si mo dans 1 situation critik ,mo pena narnier et mo 1 zero pu la societe malgre le fait ki mone sacrifier beaucoup pou defane dimun et pour 1 vrai justice.Tous ca la mo ti fini anticiper parski la mizer pas fer moi per et mo pas demande okene reconaissance.Le combat de Frederic li sans haine ,li plitot 1 solidarite avec ban c ki plis bas et mo p reussi tini,si ou truv moi pas sorti,pas telephoner,pas organise 1 tas fla fla pose ou la question si mo ena 1 soulier,1 linge convenable et meme kas transport pu fer li, si ou truv moi lor internet ou p penser mo dans bien al penser comment mo p reussi fer tou sa la meme si ena 1 monde de difference entre moi et beaucoup entre zot,travay ena,l’argent pas difficile pu gagner mais mo alerzik ek ban dominer,ban hypo malsain ki servi dimun mizer pu remplie zot poche,moi mone soizir pu combatre pu ban dimun dans pince et ban zenfants parski 1 tas dimuns vine ver moi pu consey zot,aide zot et li pas facile pu repone present pu tous dimun,surtout zenfants ki bizin l’aide et ki croire dans moi,mo mesaz a moi li simple,mo pas pu laisse zot tomber meme si mo p tomber,si bizin nu va tombe ansam,mone meme gagne ban propositions pu rentre dans le monde politique et aussi beaucoup encourazment mais politique pas 1 reve pu moi,ni la soif de l’or ou le pouvoir,mo promesse a moi li simple,mo fiere mo capav coz pu ban dimun ki dans la peine parski mo a 100% dans monde la,sa helping hand ki mo bizin la mo accepter pu refuse li parski mo senti moi bien et fort tant ki dimun croire dans moi.Si 100 000 dimun maltraite moi li pas grave mais mo pu la tant ki mo vivant pu ecoute SOS ban zenfants et ban dimun ki dans pince,mo confiant ki mo pu reussi tir zot ban sa bez la sans supplier personne et meme si demain mo mort l’espoir bizin pas mort dans zot leker parski moi avant mo dernier soufle mo pu fiere ki mone detruire mo la vie pu 1 cause,pu coz pu zot et pu ecoute zot.Merci

Apres ban secousses ki le scandal Med Point fine cozer mo analyse lor la situation politique li ainsi,Le PTR en alliance avec le PMSD reste le parti le plus credible du pays actuellement devant le MMM ki pu definitivement plis fort sans le MSM ki fine vine 1 fardeau politique depuis ki SAJ ine passe le relay a Pravin ki a mon avis zame pu vine premier ministre vue ki li pena le calibre pu fer la politique.La nu p tan dire ki SAJ pu fer so retour dans l’arene politique et si nu daccord ki sa pu redonne MSM imP la vie nu bizin pas blier ki SAJ,meme si li le president actuelle du pays ,ti dir 1 dialogue contre 1 communaute ki vraiment blessant et si dimun in pardonne li,respecter li c un peu grace a sa post president la ki 1 post honorable et SAJ ena tous a gagner pu reste loin de la politique et continier azir couma li p fer meme si demain li nepli president.Ena 1 moment dans la vie kot ou bizin retire ou,meme ban footballeur fer li.Mo prend l’exemple de l’ex president Uteem, dimun ti bien aprecier li ,li ti neutre,li ti capav reste loin de la politique et servi so popularite pu coz pu ban malheureux et pu passe ban messages de paix mais suite a dernier election kot li fine montrer so couleur politique li fine desane bien bas dans l’estime beaucoup dimun ansam avec Gregoire meme si mo respecter zot choix et zot libre fer c ki zot envie.La le MMM,d’apres 1 quotidien ,ine decide l’option SAJ comme No 1,Berenger No 2 et Pravin NO 3,donc Pravin p accepter ki li pas vaut sa place leader MSM la ,concernant Berenger,sa formule la ine marcher 1 fois(comme quoi la population pas contre ki 1 non hindu vine PM) mais ki resultas ine ena kan Berenger ti PM?C sa question ki dimun pose zot meme et sa l’alliance MSM/MMM la combien fois ine essayer mais li pena resultas ,en plus de sa ki li MSM ki li MMM li ban parti ki fine demoder,zot mank sa touche moderne la et mo pas croire ki l’ile Moris pu progresser ek 1 gouvernement MMM/MSM,surtout avec SAJ a la tete .MMM encore capav garde so nivo politique avec ban changements ,par exemple l’option Obeegadoo com PM mais mo penser ki MMM so role avec Berenger dans l’opposition li hyper important et MMM pas bizin ni SAJ ni Pravin parski si MSM pu fer li gagne 5% en plis li pu fer li perdi 20% militants ou plus en meme temps.SAJ si accepter sa deal la p al ver 1 fin de cariere bien triste parski li pu perdi et c pas zis 1 defaite mais 1 li p al fer la bourde politique du ciecle ki pu met MSM KO net,ki pu affaibli MMM,ki pu detruire cariere politique so garcon ki deza pena poid en politique et aussi zet dans dilo sa respect ki dimun ine ena pu li depuis ki li president.Parfois mo demande moi si ban politiciens malin ou couyon,si zot reflesi parfois et si zot encore penser ki le pep gopia pu gobe tous zot ban stratezy.Heureusement ki le ridicule pas touye dimun,mo respecter ban vieux politiciens mais la c 1 suicide politique ki SAJ p al fer et mo esperer li reflesi imP lor la parski li pu bete pu sorti dans 1 nivo president pu vine 1 boufon du peuple.Mo pas croire li merite sa.Merci

Ban movais samaritains

Posted: October 27, 2011 in Hit them hard!, Opinion

Souvent ou tan ban dimun cozer et dire ki zot care pu lezot dimun,ou tan 1 fam vine coz lor 1 boug,vine raconte ou so problem et souvent ou tan ban zom vine reconte ou certain fams zot problem,ou dir li bon ena dimun ki care pu zot prochain mais kan ou analyse bien ou comprend ki la dans aussi ena 1 grand pourcentaz l’hypocrisie ,surtout kan ou decouvert l’apparence ban victimes la parski souvent ou pu remarquer ki ban victimes la ban zoli dimun interessant et si ou ena au moins 20 grams la cervelle ou pu fini comprend la raison deriere tant de bonne volonte.Hummmm huummmmm! “Oui mo la gorze grate”Combien malheureux ena dans le Maurice ek dans le monde,combien ki tellement dans la peine ki zot nepli ena 1 forme,1 trait,ledents nepli ena , la peau ine vine gris et plat lipied ine vine 1 semelle natirel,kot ban bon samaritains ete?Mais kan Lisbie,Sophie,Franco ki bien bati,ki ena zoli sourire ou 1 zoli popotin dans 1 ti problem zot vini,zot donne sa 1 dimension enorme,si ti capav 1 lor BBC ou CNN zot ti capav fer li et kan ou expose zot a sa verite la zot dir menti et zot figir sanzer.Mo pas dire bizin pas aide zoli dimun ,nu pas guete figir pu aider mais mo remarquer ki la dans aussi ena rodeur boute,Oh ban movais samaritains,zot plan operation seduction pas p passe inarpercue,arrete fer tous ar l’intention pu gagne kitsoz ,fer imP kitsoz sincere kot ou pas pu gagne narnier en retour,ni 1 ti boute la cuisse,ni meme 1 bizu doux,contente ou 1 ti sourire reconnaissant et 1 ti bizu amical et affectueux lor la joue ,et sa meme si dimun la so lipied gris,merci.

Kan nu coz integration social nu pas p coz zis l’argent,li demande coorperation de tous citoyens et 1 volonte pu pense dans 1 direction kot nu pays pu sorti gagnant,pu ki ena 1 stabilite et pas pu nu propre l’interet ,l’interet 1 group dimun ou l’interet 1 parti politique.Mo comprend et li super logique ki sak dimun bizin pense so la vie et so l’avenir avant lezot mais nu bizin pas favorisme nu meme o detriment de ban dimun ki deja ena 1 gros retard dans la vie.Ena 24 h dans 1 jour et si nu dormi pendant 8h de temps,nu travail pendant 8h de temps nu reste 8h de temps kot nu capav tire 7h de temps pu lacaz ,fami ek camarades et 1 h pu pense imP a lezot dimun,dans sa 1 h de temps la 1 tas kitsoz capav fer et si ou vraiment envie aider ou pu bizin reussi,meme dans travail ou capav aider parski ena ban victimes de la societe partout ki p atane 1 la main pu aide zot et kan nu penser ena ban dimun ki sacrifier zot la vie entier pu aider alors 1h par zour li pas enorme et croire moi,1 fois ki zot commencer zot pu truv sa formidable et zot pu envie continuer,pas ecoute ban l’esprit negatif,ecoute ou sentiment et fer li.Merci

Vivant et tres vrai

Posted: October 18, 2011 in Videos

Non a ban Raciste

No racism


Dans Moris souvent ou tan dir 1 parti politique,1 mouvement,1 group socio kiltirel vini avec com but principal soidisant pu defane communaute kreol couma dir 1 la mode sa.Couma dir oblizer servi le mot kreol pu zouer ar sentiment ban dimun la et pu fer zot group ou parti politique gagne popularite.Li lozik dans 1 pays kot ena plizir communaute nu bizin atane nu a truv ban group de soutien ou ban group ki regroup ban dimun meme communaute mais solidarite pas ve dir fer reclame avec ou communaute .Mo pena narnier conte ban leader ban group socio kiltirel parski mo pas cone zot personelment et mo pas coner ki travail zot fer mais mo penser sincerement ki nu bizin pas fer de sorte ki trop impose religion dans nu la vie en dehors a 1 stage kot li vine genant.Concernant ban soidisant leaders ki soidisant defane ban kreol ou ki soidisant trop gagne tracas kreol mo ena pu dir zot ki boucoup entre zot fer sa zis pu popularite et pu gagne role kan election p vini,sa meme kreol ki soidisant zot p defane la kan li vine travail kot zot ,zot fer 1 tas maniere pu paye li,ena acoz li 1 kreol un peu plus milate li fer gandnoir avec c ki plis mizer et plis noir.Kan kreol la p manz sousou dans dipain li gueter li fer semblant pas trouver,kan ban zenfants so voisins p al lekol ,zot lipied sek et gris,kan zot p al lekol sans cahier ni crayon kot sauveur kreol la ete?Kitfois li p boire Green Island dans campement ou li avec so ban zenfants dans l’hotel.Kan zot brayer dans micro soidisant zot comprend ki la vie difficile,ki ena dimun ki pas p capav truv 1 lizour mais kan sa meme dimun la content so tifi ou so garcon li truv li trop noir et trop mizer.Laisse mo dire sa ban hypocrites la ki dans Moris ,ki nu Kreol,Hindu ,Musulman,Chinois ou Madras, ena zis 2 race ki apel race sincere ek race hypocrite,ena bon dimun dans tous religions et ena movais dans tous religions,nu pas bizin le roi Kreol ni le roi okene religion,zot p divise le pep pu zot propre l’interet et zot p zour tous ban dimun ki p laguerre pu l’unite dans pays et ki pas guete couleur et religion pu aider.Moi mo dire,meme si ou mizer,pas ecoute tous hypocrites,sa meme ki la pu soidisant proteze ou zordi et demain li meme pu ignore ou couma dire ou 1 creature repugnant.Merci

Consey

Posted: October 16, 2011 in Inspirational

Frederic Aza


Dans la vie problem present tous les zour et si nu pu passe nu letemps evite zot zame nu pu coner comment pu deal avec zot kan nu nepli ena sanse ou evite li,donc meme si 1 kitsoz hyper dure pu surmonter,meme si ou penser sa pu abaisse ou pas bizin galouper ,laisse li vini parski c kan ou a terre meme ki ou pu aprane vine plis fort.Manz ar la vie la.